Сәкен туған - Жаңаарқа
14 Қыркүйек күні ауданымызда көптен күттірген Жаңаарқа ауданының 90 жылдық және С.Сейфуллиннің 125 жылдық мерейтойы тойланды. Қазақстанның түкпір түкпірінен ағылып келген дүйім жұрт керемет тойдың куәсі болды. Сәкен атамыздың ескерткішіне гүл шоқтарын қою рәсімінен бастау алған мерекелі күн «Тәуелсіздік» саябағында мерейтойдың салтанатты ашылу рәсімімен жалғасты. Ашылу рәсімінде халық «Сәкен туған – Жаңаарқа» атты театрландырылған қойылымды тамашалады. "С.Сейфуллин атындағы ЖОББМ" КММ ұстаздары 1937-1938 жылдары аралығындағыашаршылық пен жаппай саяси қуғын-сүргінге ұшыраған қазақ әйелдерінің бір сәттік өмірінен қойылым көрсетті.