2023 жылғы 10 қарашада Жаңаарқа ауданы ТЖБ қызметкерлері және №6 ӨСБ жеке құрамымен бірлесіп мектебіміздің оқушылары мен ұстаздары арасында өрт қауіпсіздік ережесі тақырыбында ашық сабақ өткізді. Әңгіме барысында оқушылар мен ұстаздарға алғашқы өрт сөндіру құралдарын қалай пайдалану керек екені және улы газдан тұншыққан адамға алғашқы көмекті қалай жасау керектігі көрсетіліп, сұрақ - жауап өткізілді. Өрт шыққан жағдайда оқушылар мен ұстаздардың ғимараттан шығуы бойынша іс-қимылдар пысықталып, өрт-тактикалық оқу-жаттығуы өткізіліп, эвакуация жасалды. Аталған оқу-жаттығуға мектебімізден 410 адам, ауданымыздың Жедел жәрдем қызметінен 2 адам, өртке қарсы гарнизоны жеке құрамынан 11 адам, 2-АЦ қатысты.