Ұстаз – ұлағатты есім. Шәкірттерін білім нәрімен сусындатып, тәлім-тәрбие беру, жақсы қасиеттерді бойына дарытып, адамгершілік рухта бағыт-бағдар беруде ұстаздың еңбегі зор. Сондықтан да ол әрдайым қасиетті тұлға ретінде ерекшеленеді. Жылда жаңа оқу жылымен қатарлас келетін Ұстаздар күні де күздің үлесіне тиіпті. Осыған орай, қазан айының 5-ші жұлдызында мектеп оқушылары ұстаздарымызға арнап мектеп дәлізін түрлі-түсті шарлармен безендіріп, ұстаздарға құттықтау плакаттар іліп , жүрек – жарды тілектерін арнай тақшаға жазып мектеп мұғалімдерін құттықтады.Картаева Айдана 6 «б» сынып оқушыларымен мерекелік кеш өткізді. Оқушылар мың бұрала би билеп, тамылжыта ән салып ұстаздарымызды бүгінгі мейрамымен құттықтады.