Қыркүйектің екісі Алғашы қоңырау, Білім күніне арналған салтанатты сапқа тұру «Мен өз елімнің патриотымын» тақырыбында өтті. Алаңға бірінші сынып оқушылары шақырылып, салтанатты жиын ҚР мемлекеттік Гимнімен басталды. Жиынды мектеп директоры С.С. Бибосынов өзінің құттықтау сөзімен ашып берді. Ата-аналар комитетінің  төрайымы Омарбаева Алия өз лебізін білдіріп, оқушыларға , ұстаздарға сәттілік тіледі. Бірінші сыныпқа алғаш қадам басқан бүлдіршіндер тақпақ айтып, ән шырқады. Сонымен қатар, мектептің әнші ұл -қыздары Сағынтаев Қанағат, Бөдеева Тоғжан әннен сәлем жолдады. Алғашқы қоңырауды он бірінші сынып оқушылары, үздік оқушылар  Тілеуберген Ермахан, Қияшева Ағнұр соқты. Білім күні «Мен өз елімнің патриотымын» тақырыбындағы алғашқы сабақтармен жалғасты.