Абдикасова Гулмира Советқызы 1968 жылы 3 ақпанда Шет ауданы Кеңшоқы кеңшарында дүниге келген. 1984-1989 жылдары Жезқазған педагогикалық институтының физика-математика факультетінде оқыған. Алғашқы еңбек жолын Шет ауданы Пикет орталау мектебінде өз мамандығы бойынша физика-математика пәнінің мұғалімі болып бастаған. Алғашқы еңбек бастаған жылы-ақ аудандық жыл мұғалімі байқауына қатысып, жүлделі ІІ орынды иеленді. Облыстық газетте жас ұстаз, Абдикасова Гульмира, туралы мақала жарық көрді. 1990 жылы отбасы құруына байланысты Жаңаарқа ауданы Ақтүбек орта мектебіне физика-математика мұғалімі болып жұмысқа қабылданды. 1995 жылы Ақтүбек орта мектебінің оқу ісінің меңгерушісі, 1997 жылы мектеп директоры болып тағайындалды. 1998-2003 жылдары осы мектептің оқу ісінің меңгерушісі болды. 2004 жылдан бастып, бүгінгі күнге дейін Ақтүбек жалпы орта білім беретін мектебінің директоры қызметін атқарып келеді. Жалпы өзінің өмірлік еңбек жолында еліміздің болашақ азаматтарына білім беруде, тәрбиелеуде, Ақтүбек мектебінің оқу-тәрбие саласының дамуына қомақты өз үлесін қосып келеді. Аудандық, облыстық білім департаментінің Құрмет грамоталарымен бірнеше рет марапатталған. Облыс әкімінің Алғыс хатымен, Қарағанды облысының «НҰР ОТАН» халықтық демократиялық партиясының грамотасымен марапатталған.

Еңбек өтілі – 32 жыл. Педагог-сарапшы.