Бүгінгі технология дамыған заманда жастар мен кітап әлемін жалғайтын маңызды алтын көпір – кітапхана. Осы мақсатта №1 мектеп-лицейінің оқушыларымен TEDx форматында ұйымдастырылған “Мен таңдаған кітаптар” атты тағылымды іс-шара өтті. Шара барысында балалардың жас ерекшелігіне сай қызықты да танымдық кітаптар ұсынылып, олардың мазмұны арқылы оқушыларды кітап оқуға баулу, қиялын ұштау, ойлау қабілеттерін дамыту мәселелері кеңінен қозғалды. Әсіресе ертегілер мен қысқа әңгімелердің тәрбиелік мәні, баланың жан дүниесіне әсері жайлы мазмұнды пікірлер айтылды. Іс-шара соңында оқушылар өздеріне ұнаған кітаптарды таңдап, ерекше қызығушылықпен оқуға кірісті. Бұл кездесу балалар мен кітап арасындағы байланысты нығайтып, оларды рухани байлыққа жетелер жолға бастады.