Балалалардың күзгі демалыс уақытын тиімді пайдалану мақсатында “Оқушылар үйі “ коммуналдық мемлекеттік қазыналық кәсіпорынының Ақтүбек ЖББ мектебіндегі «Ақиық» дебат үйірмесінің оқушылары арасында «Үй тапсырмасына тыйым салу керек» тақырыбында пікірсайыс өткізілді. Пікір – сайыс логикалық, психологиялық, адамгершілік және көптеген басқа да аспектілерді қамтиды. Күнделікті өмірімізде өте жиі кездесетін пікірталаста ақиқатқа жетудің негізін әдеби құндылықтар арқылы беру көзделген. Оқушы қоғамда кез – келген мәселеге біржақты көзқараста болудан арылып, сын тұрғысынан ойлай білу қабілетін игереді. Ерекшелігі – сабақ үстіндегі оқушылардың қарым-қатынас психологиясы өз-өзіне баға беру, сөйлеу тілінің мәдениеті, ұйымдастырушылық қабілеті де артады. Бұл пікірталас «Карл Поппер» бағдадарламасында өткізілді. Нәтижесінде «Оппозиция» тобының мүшелері Кәртай Еңлік, Төкебаев Нұрислам, Бақытжан Зере жеңіске жетті. Өз ойларын дәлелдеп қорғап шықты. «Оппозиция» тобының мүшелері мадақтамамен марапатталды. Басқа қатысушыларға қатысқаны үшін мадақтама қағазы берілді.