«Алтын ұрпақ» өндірістік білім беру орталығы ұйымдастыруымен өткізілген республикалық «Жыр жүйрігі – Мұқағали Мақатаев» атты шығармашылық байқауында «Поэзия – жүрек тілі» шығармашылық номинациясы бойынша 3 «Б» сынып оқушысы Ерсайын Айзара І дәрежелі Дипломмен марапатталды. Мектебінің мақтанышына айналған Айзара озат оқумен қатар, түрлі іс-шараларға қатысып, белсенділік танытып жүр. Тұлымшағы желбіреген Айзараның қоржыны жетістіктерге толы. Ол – көптеген облыстық және республикалық байқаулардың жеңімпазы.

Озат та үлгілі, шығармашылыққа бейім жас өрен Айзараны өнерге, шығармашылыққа шыңдап, білім мен тәрбиеге қатар баулып жүрген ұстазы Ермекбаева Гүлдана Тілеубайқызының еңбегі орасан зор.

Білім жолында да, өнер жолында да қанатың талмай, самғай бер, Айзара!