Балалардың қиялына жақын түрлі кейіпкерлер қаз—қатар тізіліп, мектебіміздің айналасы әп—сәтте қардан жасалған мүсіндердің қалашығына айнала қалды.  Мүсіндердің түр—түсі келісіп-ақ тұр.  Өткен-кеткен жанның бәрі де қызықтап,  суретке түсіп те жүр.  Қардан жасалды демесеңіз,  әдемі мүсіндер көшеге де көрік беріп тұр.  

Қақаған күннің аязында қардан мүсін жасау — шыдамдылық пен шеберлікті қажет ететін өнер ғой.  Былай айтуға оңай болғанымен,  ерен ептілікті қажет етеді.  Біздің өнерлі мұғалімдеріміз қиялға ерік беріп,  шеберлікпен орындады. Түрлі-түсті етіп жасалған әсем мүсіндер қанық боялып,  сонадайдан көз тартып тұр.  Осындай керемет туынды жасаған мұғалімдерімізге мың алғыс!  Жаңа жыл жақсылыққа жетелесін деп тілейік!