«Қарағанды облысының білім беру саласының құрметті педагогі» төс белгісінің иегері Жақсыгелді Кемалұлы Кемаловпен онлайн кездесу өтті
Бүгін №132 жалпы орта білім беретін мектебінде Зум платформасы арқылы «Өнегелі өмір» жобасы аясында жерлесіміз, яғни Жаңаарқа ауданының тумасы, әнші, ҚР еңбек сіңірген мәдениет қайраткері, Бірінші республикалық «Жігер», республикалық «Жастар дауысы» фестивалінің лауреаты, Қазақстан жастар одағы сыйлығының лауреаты, «Қарағанды облысының білім беру саласының құрметті педагогі» төс белгісінің иегері Жақсыгелді Кемалұлы Кемаловпен онлайн кездесу өтті.
Кездесу барысында әнші Ж. К. Кемаловтың өмірі мен шығармашылығы туралы бейне ролик көрсетіліп, әндері шырқалды.
Кездесуге қатысқан 5 "Б", 9"Ә" сынып оқушылары ағамызға сұрақтарын қойды. Жақсыгелді Кемалұлы сұрақтарға жауап беріп қоймай, жасөспірімдерге өз ақыл-кеңесін берді.
