«Рухани жаңғыру» бағдарламасы аясында Рухани байлық ең алдымен әр халықтың ұлттық әдет-салты, мәдениеті, өнері және шыққан түп тамырында жататыны белгілі. Сол ұлттық құндылықтарды бүкіл адамзаттың өз ұрпағын тәрбиелеудегі білім берудегі озық ұстанымдармен байланыстыра отырып, әр баланың қабілетін, талантын ашып, өзіне-өзінің сенімін нығайтып, сан қилы өмірде аяғынан тік тұрып кететініндей түрткі жасау мақсатында мектебімізде көптеген іс-шаралар өткізіліп жатыр. Атап айтатын болсақ, 5-10 сыныптар арасында «Рухани жаңғыру – білім әлемінде» тақырыбы аясында әр ұлттың салт- дәстүрге байланысты бұйымдары қойылды.
Біздің елімізде 130-дан астам ұлттың өкілдері мекен етеді. Әр ұлттың өзіндік салт-дәстүрі, әдет-ғұрыптары болатыны белгілі. Осы көрмені тамашалай келе, әр ұлттың салт-дәстүрі, әдет-ғұрыптарына саяхат жасай отырып, олардың ұқсастықтары мен ерекшеліктерін байқадық.
Көрмеде тек бұйымдар ғана емес, сонымен қатар ұлттық аспаптардың үнімен сәні келген көрме көз алдыңызға ежелгі Жібек жолындағы жәрмеңкелерді елестеді. Ұлттық рух сезіліп, қазақи бояуы сіңіп жасалған дүниелер қойылған бұл көрме-жәрмеңкенің мақсаты да осы болатын.