Өскелең ұрпаққа салауатты өмір салтын ұстануды насихаттау, спорттың адам денсаулығына маңызы зор екенін түсіндіру әр адамның басты міндеті болып табылмақ.
Жалпы білім беретін мектеп, мамандандырылған мектеп-интернат оқушылары арасында 10-13 ақпан аралығында, Қарағанды қаласында конькимен жылдамдықта сырғанаудан жарыс өтті. IX облыстық қысқы спартакиадада 132 ЖОББМ, дене тәрбиесі мұғалімі Жүкенов Қылыш Санашұлының жаттықтырып әрі ұйымдастыруымен, Жаңаарқа ауданының командасы жарысқа белсене қатысып, жеңіс тұғырынан көрініп I орынды иеленді. Команда мүшелері арнайы дипломмен марапатталды. Сондай-ақ, келесі кезекте өтетін республикалық коньки жарысына жолдама алды. Спортшыларымызға тек ғана сәттілік серік болсын демекпіз!