Тәуелсіздік таңы
Ақтүбек ЖОББ мектебінде 16 желтоқсан Тәуелсіздік мерекесіне орай бастауыш сыныптар аралығында "Тәуелсіздік таңы" атты тәрбиелік шара өтті. Оқушылар Тәуелсіздік жолында құрбан болған батыр аға-апаларымыздың ерліктерін ұлықтап, жыр шумақтарын арнады. Тарих қойнауынан сыр шертілді. "Ерте үзілген жауқазын" атты көрініс шынайы бейнеленіп, көрерменнің көңілінен шықты. Кеш барысы әсем әндермен өріліп, "Алға, Қазақстан" флешмобы сәтті шықты. Тәрбиелік шара "Қазақстан-Отаным менің" атты хормен әдемі аяқталды.