Мектеп дәлізінде ұстаздар мерекесіне арналған 1-11 сынып оқушыларының құттықтау қабырға газеттері ілінді. Ұстаздар қауымына арналған мерекелік концертті 8 «А» сынып оқушылары және сынып жетекшісі Жакупова А.С. өткізді. Мұғалімдердің төл мерекесіне арналған  құттықтау  сөзі ауыл әкімі Баязитов С.А. және ауыл ақсақалдар кеңесінің төрағасы Аманжанов Б. берілді.  Аудандық әкімшілік атынан тарих пәні мұғалімі Аманжанова Г.Б., Ахметов Е.К. марапатталды. Мектеп директоры Шибутова Б.А. ұстаздар ұжымына жылы лебізін білдіріп, ерен еңбектері үшін алғыс айтты. 8 "А" сынып оқушылары өздерінің ұстаздарға арналған өлең шумақтарын оқыды. 11"А" сынып оқушылары  Нұржан А., Жанпейсова А.  «Ұстазым», әнін жүрек тебіренте орындаса, 6 «А» сынып оқушылары  Дарбаева Зайра мен Жампейсова Айжан  «Мерекем» әнін  орындады. 9 "А" сыныптың биші қызы Маулитова Н. «Джаз» биін, 6 "А" сыныптың биші қыздары «Көңілашар» билерін билеп көрерменге ұнады. Кештің соңында  «Ұстаз-алып тұлға» атты бейнеролик  көрсетілді.