4.10-6.10 күндері аралығында Астана қаласында Мемлекет басшысы Қасым-Жомарт Тоқаевтың қатысуымен Қазақстан ұстаздары съезі өтті. Шараға еліміздің түкпір-түкпірінен ұстаздардан құралған делегаттар жиналды.

Бірінші күні, Астана қаласының әлемдегі жетекші мектеп­тер жүйесімен жұмыс жасап жатқан мектептерімен танысқан болатынбыз. Ол мектептер балалардың креативті әлеуетін дамытумен айналысады, сандық технологиялар мен нақты ғы­лым­дарға үйретеді. Бұл экскурсиялар барысында, Қазақстанның дамыған ел қатар­ына қосылуының кілті сапалы, қолжетімді және заманауи білімде екеніне тағы да бір көзіміз жетті.

Екінші күні Президент қатысқан конференцияда білім саласындағы негізгі бағыт-бағдар айқындалып, алдағы күнге жоспар жасалды. Қ.Тоқаев саладағы қордаланған мәселелер мен оны шешу бойынша Үкімет пен әкімдерге, сондай-ақ тиісті министрлікке бірқатар міндет жүктеді.

Ұстаздар қауымы бас қосқан ауқымды әрі маңызды жиында сөз алған ел Президенті Қасым-Жомарт Тоқаев әр адамның тәр­бие мен білім берген ұстаздарын қадірлейтінін айтты.

Қ.Тоқаев отандық білім беру жүйесінің үздік үрдісін сақ­тай отырып, бір орында тұрып қал­май, әрдайым даму жолын­да болу керектігін атап өтті. Пре­зи­­дент­тің айтуынша, бәсекеге қа­бі­летті балаларды қалыптас­ты­ру­да басты үміт мұғалімдерге арты­ла­­ды. Педа­гог­тардың, әл­бет­те ата-ана­лардың да міндеті – елі­міз үшін лайықты азаматтарды тәрбиелеу.

Жалпы, екі күнде бізге энергияға толы көңіл-күй, жұмысымызға мотивация сыйлай білген ұйымдастырушыларға айтар алғысым шексіз!