Ынтымақ жалпы білім беретін мектебінде “Жаңару күні” аясында “Еліме қуат бер, халқама шуақ бер, әз Наурыз” атты мерекелік шара өтті. Бұл концерттік бағдарлама Наурыз мерекесін атап өту мақсатында ұйымдастырылып, қатысушыларға көтеріңкі көңіл-күй сыйлады. Іс-шара барысында ұлттық дәстүрлер дәріптеліп, өнерпаздар ән шырқап, би билеп, түрлі қойылымдар қойды. Оқушылар мен ұстаздар Наурыздың жаңару мен бірліктің символы екенін атап өтіп, халықтық мерекенің маңыздылығын көрсетті. Концерттік бағдарлама мектеп ұжымының, оқушылардың және қонақтардың белсенді қатысуымен жоғары деңгейде өтті. Шараның соңында мектеп директоры Тезекбаева Ақтоты сөз сөйлеп, ұйымдастырушылар мен қатысушыларға алғысын білдіріп, Наурыз мейрамының баршаға құт-береке әкелуін тіледі.