- «Құндылықтарған егізделген білім беру» жобасы пәндермен қосымша білім беруді, тәрбиемен білім беру процестерін біріктіретін бірыңғай мәдени, білім беру және рухани-адамгершілік кеңістікті білім берудің барлық деңгейінде қалыптастыруды көздейді.
«Құндылықтарға негізделген білім беру» жобасы аясында мектептің тәрбие жұмысы 8 бағыттан тұрады. Бағыттардың бір бөлімі Отбасы тәрбиесі.
Осы бағыт аясында мектептерде әкелер мектебі, аналар мектебі, жеңгелер мектебі құрылған.
2021-2022 оқу жылы аясында жоспарға сәйкес мектебімізде "Әкелер мектебі" құрылып, алғашқы іс-шарасы болып "Айтуға оңай" бағдарламасы өтті.
Бағдарлама барысында әкелеріміздің отбасыларымен танысып, бала тәрбиесінде әкенің рөлі, отбасы құндылықтары айтылып, көрермен болып қатысқан ата-аналарға, оқушылар мен ұстаздарға терең ой саларлық жағдаяттар көрсетілді. Әке мен бала арасындағы қарым-қатынастың қаншалықты құнды екенін сезініп, алдағы уақытта барлық жақсылықтарды тілеген қатысушы әкелер өз тілектерімен алғыстарын айтты.
Осы аталған шараға білім бөлімінің әдіскері Ә.Мұхамедина қатысып, барлық қатысқан әкелерге Алғыс хат табыстап, алдағы уақытта толағай табыстар тіледі.
