Атасу кенті, Қазақстанның 40 жылдығы көшесі, 61
2-81-29, 2-71-73
Білім бөлімінің басты бетіне қайту
Сіз қалай біздің ұйымның жұмыс нәтижелерін бағалайсыз?
дауыс беру
өте жақсы - 251
жаман - 48
жақсы - 37
жай ғана - 34
жауап беруге қиналамын - 22
Барлығы дауыс берді: 392
нәтижені қарау
Сайтқа кіру статистикасы
Бір жылда64491
Бір айда7698
Бір аптада1334
Кеше356
Тәулік302
Қамқоршылық кеңес (нормативтік құжаттар)

Білім беру ұйымдарында қамқоршылық кеңестің жұмысын ұйымдастыру және оны сайлау тәртібінің үлгілік қағидаларын бекіту туралы

Қазақстан Республикасы Білім және ғылым министрінің 2017 жылғы 27 шілдедегі № 355 бұйрығы. Қазақстан Республикасының Әділет министрлігінде 2017 жылғы 29 тамызда № 15584 болып тіркелді.

       "Білім туралы" 2007 жылғы 27 шілдедегі Қазақстан Республикасы Заңының 44-бабының 9-тармағына сәйкес БҰЙЫРАМЫН:

       1. Қоса беріліп отырған Білім беру ұйымдарында қамқоршылық кеңестің жұмысын ұйымдастыру және оны сайлау тәртібінің үлгілік қағидалары осы бұйрыққа қосымшаға сәйкес бекітілсін.

       2. Мыналардың күші жойылды деп танылсын:

       1) "Қамқоршылық кеңестің жұмысын ұйымдастырудың және білім беру ұйымдарында оны сайлау тәртібінің үлгілік қағидаларын бекіту туралы" Қазақстан Республикасы Білім және ғылым министрінің міндетін атқарушының 2007 жылғы 22 қазандағы (Қазақстан Республикасының нормативтік құқықтық актілерінің мемлекеттік тіркеу тізілімінде № 4995 болып тіркелген, 2007 жылғы 30 қарашадағы № 184 (1387) "Юридическая газета" газетінде жарияланған) № 501 бұйрығы;

       2) "Қамқоршылық кеңес қызметінің және оны сайлау тәртібінің үлгілік ережелерін бекіту туралы" Қазақстан Республикасы Білім және ғылым министрі міндетін атқарушының 2007 жылғы 22 қазандағы № 501 бұйрығына өзгерістер енгізу туралы" Қазақстан Республикасы Білім және ғылым министрінің міндетін атқарушының 2016 жылғы 22 желтоқсандағы (Қазақстан Республикасының нормативтік құқықтық актілерінің мемлекеттік тіркеу тізілімінде № 14751 болып тіркелген, 2017 жылғы 9 ақпанда Қазақстан Республикасы нормативтiк құқықтық актiлерiнiң эталондық бақылау банкiсінде жарияланған) № 715 бұйрығы.

      3. Қазақстан Республикасы Білім және ғылым министрлігі Балалардың құқықтарын қорғау комитеті (Е.Ерсайынов) заңнамада белгіленген тәртіппен:

      1) осы бұйрықтың Қазақстан Республикасы Әділет министрлігінде мемлекеттік тіркелуін;

      2) осы бұйрық Қазақстан Республикасы Әділет министрлігінде мемлекеттік тіркеуден өткен күннен бастап күнтізбелік он күн ішінде оның көшірмесін қағаз және электронды түрде қазақ және орыс тілдерінде ресми жариялау және Қазақстан Республикасы нормативтік құқықтық актілерінің эталондық бақылау банкіне енгізу үшін "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберуді;

       3) осы бұйрық мемлекеттік тіркеуден өткеннен кейін күнтізбелік он күн ішінде көшірмелерін мерзімді баспа басылымдарына ресми жариялауға жіберуді;

      4) осы бұйрықты Қазақстан Республикасы Білім және ғылым министрлігінің интернет-ресурсында орналастыруды;

     5) осы бұйрық Қазақстан Республикасы Әділет министрлігінде мемлекеттік тіркеуден өткеннен кейін он жұмыс күні ішінде Қазақстан Республикасы Білім және ғылым министрлігінің Заң қызметі және халықаралық ынтымақтастық департаментіне осы тармақтың 1), 2), 3) және 4) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

     4. Осы бұйрықтың орындалуын бақылау Қазақстан Республикасы Білім және ғылым вице-министрі Б.А. Асыловаға жүктелсін.

     5. Осы бұйрық алғашқы ресми жарияланған күнінен бастап күнтізбелік он күн өткен соң қолданысқа енгізіледі.

     Қазақстан Республикасының
Білім және ғылым министрі

Е. Сағадиев

      КЕЛІСІЛДІ

      Қазақстан Республикасы

      Премьер-Министрінің орынбасары –

      Қазақстан Республикасы

      Ауыл шаруашылығы министрі

      ______________ А.Мырзахметов

      2017 ж. 23 шілде

      КЕЛІСІЛДІ

      Қазақстан Республикасының

      Қаржы министрі

      _______________ Б.Сұлтанов

      2017 ж. 7 тамыз

      КЕЛІСІЛДІ

      Қазақстан Республикасының

      Мәдениет және спорт министрі

      ___________ А. Мұхамедиұлы

      2017 ж. 28 шілде

 

Қазақстан Республикасы
Білім және ғылым министрінің
2017 жылғы 27 шілдедегі
№ 355 бұйрығымен
бекітілген

 Білім беру ұйымдарында қамқоршылық кеңестің жұмысын ұйымдастыру және оны
сайлау тәртібінің үлгілік қағидалары
1-тарау. Жалпы ережелер

      1. Білім беру ұйымдарында қамқоршылық кеңестің жұмысын ұйымдастыру және оны сайлау тәртібінің үлгілік қағидалары (бұдан әрі – Қағидалар) "Білім туралы" 2007 жылғы 27 шілдедегі Қазақстан Республикасы Заңының 44-бабының 9-тармағына сәйкес әзірленді және білім беру ұйымындарында Қамқоршылық кеңесінің (бұдан әрі - Қамқоршылық кеңес) жұмысын ұйымдастыру және оны сайлау тәртібін айқындайды.

      Ескерту. 1-тармақ жаңа редакцияда - ҚР Білім және ғылым министрінің 02.04.2018 № 123(алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      2. Қамқоршылық кеңес Қазақстан Республикасының ұлттық қауіпсіздік органдарына, Қазақстан Республикасының Ішкі істер министрлігіне, Қазақстан Республикасының прокуратура органдарына, Қазақстан Республикасының Қорғаныс министрлігіне және Қазақстан Республикасының Денсаулық сақтау министрлігіне ведомстволық бағынысты әскери, арнаулы, медициналық және фармацевтикалық оқу орындарына, мемлекеттік емес білім беру ұйымдарына, сондай-ақ акционерлік қоғам нысанында құрылған мемлекеттік коммерциялық емес білім беру ұйымдарын қоспағанда білім беру ұйымдарында құрылады.

      Ескерту. 2-тармақ жаңа редакцияда - ҚР Білім және ғылым министрінің 02.04.2018 № 123(алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

       3. Қамқоршылық кеңес білім беру ұйымының әкімшілігімен, ата-аналар комитетімен, жергілікті атқарушы органдармен, мүдделі мемлекеттік органдармен және өзге де жеке және/немесе заңды тұлғалармен өзара әрекет жасайды.

      4. Қамқоршылық кеңес мүшелерінің өз өкілеттігін орындауы өтеусіз негізде жүзеге асырылады.

 2-тарау. Қамқоршылық кеңесті сайлау тәртібі және құрамы

      5. Тиісті саланың уәкілетті органы немесе білім саласындағы жергілікті атқарушы органы өзінің интернет қорында және/немесе әкімшілік-аумақтық бірліктің аумағында таратылатын мерзімді баспасөз басылымында Қамқоршылық кеңестің құрылатындығы және оның құрамы бойынша ұсыныстардың қабылданатындығы туралы хабарландыру қазақ және орыс тілдерінде орналастырады.

      Ұсыныстарды қабылдау хабарландыру жарияланған күнінен кейін он жұмыс күні ішінде жүзеге асырылады.

      Ескерту. 5-тармақ жаңа редакцияда - ҚР Білім және ғылым министрінің 02.04.2018 № 123(алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      6. Қамқоршылық кеңестің құрамы Қамқоршылық кеңеске мүше болуға үміткерлердің жазбаша келісімімен алынған ұсыныстардың негізінде қалыптастырылады және тиісті саланың уәкілетті органы немесе білім беру саласындағы жергілікті атқарушы орган ұсыныстарды қабылдау аяқталғаннан кейін үш жұмыс күні ішінде бекітеді.

      Ескерту. 6-тармақ жаңа редакцияда - ҚР Білім және ғылым министрінің 02.04.2018 № 123(алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

       7. Қамқоршылық кеңестің құрамына мыналар кіреді:

       1) жергілікті өкілдік, атқарушы және құқық қорғау органдарының өкілдері;

      2) жұмыс берушілер мен әлеуметтік әріптестердің өкідері;

       3) коммерциялық емес ұйымдардың өкілдері (бар болса);

       4) ата-аналар комитеті ұсынған әрбір параллель сыныптан, курстан сол білім беру ұйымында білім алушылардың бір ата-анасы немесе заңды өкілі;

       5) қайырымдылық жасаушылар (бар болса).

      Білім беру ұйымының жанынан құрылған Қамқоршылық кеңес отырысына осы білім беру ұйымының басшысы немесе оның орынбасары қатысады.

       Қамқоршылық кеңес құрамына "Білім туралы" 2007 жылғы 27 шілдедегі Қазақстан Республикасы Заңының 51-бабы 1-тармағының 2) және 3) тармақшаларында көрсетілген адамдар кіргізілмейді.

      8. Қамқоршылық кеңес мүшелерінің саны тақ, бір-бірімен және сол білім беру ұйымының басшысымен ешқандай туыстық және жекжаттық қатынасы жоқ кемінде тоғыз адамнан құрылады. Қамқоршылық кеңес мүшелерінің өкілеттік мерзімі үш жылды құрайды. Қамқоршылық кеңес мүшелері сол білім беру ұйымы қызметкерлерінің штатына кірмейді.

      Тірек мектептерінде (ресурс орталығы) құрылған Қамқоршылық кеңес өкілеттігі оған бекітілген шағын жинақты мектептерге де таратылады.

      Ескерту. 8-тармақ жаңа редакцияда - ҚР Білім және ғылым министрінің 02.04.2018 № 123(алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

       9. Мемлекеттік органдардың өкілдері болып табылатын Қамқоршылық кеңес мүшелерінің саны үш адамнан аспайды.

       10. Қамқоршылық кеңестің отырысында ашық дауыс беру жолымен дауыстар басымдылығымен сайланатын (қайта сайланатын) оның төрағасы Қамқоршылық кеңестің басшысы болып табылады.

       Мемлекеттік органдардың өкілдері Қамқоршылық кеңестің төрағасы болып сайланбайды және оның міндеттерін жүзеге асырмайды.

       11. Қамқоршылық кеңестің төрағасы болмаған жағдайда Қамқоршылық кеңестің шешімі бойынша оның қызметін Қамқоршылық кеңес құрамына кіретін мемлекеттік органдардың өкілдерінен басқа Қамқоршылық кеңес мүшелерінің бірі жүзеге асырады.

      12. Төраға Қамқоршылық кеңестің атынан әрекет етеді және осы Қағидаларға сәйкес оның қызметін қамтамасыз етеді.

      13. Қамқоршылық кеңестің хатшысы білім беру ұйымдары қызыметкерлері арасынан тағайындалады және ол Қамқоршылық кеңестің мүшесі болып табылмайды.

      Қамқоршылық кеңестің хатшысы Қамқоршылық кеңестің дайындығын, өткізілуін, материалдар мен отырыс хаттамасының рәсімделуін қамтамасыз етеді.

      Ескерту. 13-тармақ жаңа редакцияда - ҚР Білім және ғылым министрінің 02.04.2018 № 123(алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

 3 - тарау. Қамқоршылық кеңестің өкілеттігі

       14. Білім беру ұйымының Қамқоршылық кеңесі:

      1) білім беру ұйымдарының білім алушылары мен тәрбиеленушілердің құқықтарының сақталуына, сонымен қатар білім беру мекемелерінің шотына түсетін қайырымдылық көмектің жұмсалуына қоғамдық бақылауды жүзеге асырады;

      2) білім беру ұйымының жарғысына өзгерістер және/немесе толықтырулар енгізу туралы ұсыныстар әзірлейді;

      3) білім беру ұйымын дамытудың басым бағыттары бойынша ұсынымдарды әзірлейді;

      4) қазақстандық азаматтардың отбасына жетім және ата-аналарының қамқорлығынсыз қалған балаларды орналастыру мәселелері жөнінде шалаларды жетілдіру бойынша ұсыныстарды әзірлейді;

      5) қайырымдылық көмек түрінде білім беру ұйымдарына түскен қаржыны бөлуге қатысады және оның мақсатты жұмсалуы туралы шешім қабылдайды;

      6) білім беру ұйымының бюджетін қалыптастыру барысында ұсыныстарды әзірлейді;

      7) тиісті саланың уәкілетті органына немесе білім саласындағы жергілікті атқарушы органына Қамқоршылық кеңестің білім беру ұйымының жұмысында анықтаған кемшіліктерді жою туралы ұсыныстар енгізеді;

      8) орта білім беру ұйымдары басшысының лауазымына үміткерлермен әңгімелесу қорытындысы бойынша хаттамалық шешім шығарады және келіседі;

      9) білім беру ұйымы басшысының білім беру ұйымының қызметі туралы, оның ішінде білім беру қызметін ұсыну сапасы, қайырымдылық көмектің жұмсалуы және қазақстандық азаматтардың отбасыларына жетім және ата-аналарының қамқорлығынсыз қалған балаларды орналастыру мәселесі жөнінде шараларды қабылдау туралы есебін тыңдайды;

      10) білім беру ұйымы қызметінің мәселелері бойынша конференцияларға, кеңестерге, семинарларға қатысады;

      11) білім беру ұйымының қызметімен, білім беру ұйымындағы білім алушыларға және тәрбиеленушілерге жасалған жағдайлармен танысады, білім беру ұйымының психологын қатыстыра отырып, олармен әңгімелеседі.

      Білім беру ұйымдарының (құрылымдық бөлімшесі) қызметкерлері Қамқоршылық кеңестің құзыретіне жататын мәселелер бойынша ақпараттарды ұсынуға ықпал етеді.

      Ескерту. 14-тармақ жаңа редакцияда – ҚР Білім және ғылым министрінің 08.02.2018 № 43(алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

 4 - тарау. Қамқоршылық кеңес жұмысын ұйымдастыру тәртібі

      15. Қамқоршылық кеңестің отырысын оның төрағасы өз бастамашылығымен, Қамқоршылық кеңес мүшесінің жалпы санының үштен екісінің бастамасымен шақырады.

       16. Қамқоршылық кеңестің отырысын шақыру туралы хабарламаға Қамқоршылық кеңес төрағасының қолы қойылып, хабарлама отырыс өткізілетін күнге дейін жеті жұмыс күнінен кешіктірілмей қажетті материалдармен бірге Қамқоршылық кеңестің мүшелеріне және Қамқоршылық кеңес қызмет ететін білім беру ұйымына жолданады.

       Хабарламада отырыстың өткізілу күні, уақыты және орны жазылады.

       Хабарламаға баяндамашы көрсетілген отырыстың күн тәртібі, күн тәртібіне қосуға себептерді көздейтін анықтамалық материалдар, Қамқоршылық кеңестің мүшелеріне ұсынылатын отырысқа қажетті құжаттар қоса беріледі.

       17. Хабарламаны алған Қамқоршылық кеңестің мүшесі Қамқоршылық кеңестің отырысы өткізілетін күнге дейін бір жұмыс күнінен кешіктірмей өзінің Қамқоршылық кеңестің отырысына қатысатындығын немесе қатыспайтындығын Қамқоршылық кеңес хатшысына хабарлайды.

       18. Қамқоршылық кеңестің төрағасы отырысты шақыру туралы ұсыныс түскен күнінен бастап бес жұмыс күнінен кешіктірмей Қамқоршылық кеңестің отырысын шақырады.

      19. Қамқоршылық кеңестің отырысы қажеттілігіне қарай, тоқсанына бір реттен сиретпей өткізіледі.

      Қазақстан Республикасы Білім және ғылым министрлігі Білім және ғылым саласындағы бақылау комитетінің аумақтық департаменттерінің өкілдері оның отырыстарына дауыс беру құқығынсыз байқаушы ретінде қатысуға жіберіледі.

      Ескерту. 19-тармақ жаңа редакцияда - ҚР Білім және ғылым министрінің 02.04.2018 № 123(алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

       20. Қамқоршылық кеңестің отырысы, егер қамқоршылық кеңестің барлық мүшелері отырыстың өткізілу уақыты мен орны туралы хабардар болса және оған мүшелерінің кемінде жалпы санының үштен екісі қатысса заңды болып табылады. Қамқоршылық кеңес мүшесінің өз дауысын Қамқоршылық кеңестің басқа мүшесіне немесе адамға сенімхат бойынша беруге жол берілмейді.

      21. Білім беру ұйымы Қамқоршылық кеңесінің әрбір мүшесі дауыс беру кезінде бір дауысқа оны беру құқығынсыз ие.

      Ескерту. 21-тармақ жаңа редакцияда - ҚР Білім және ғылым министрінің 02.04.2018 № 123(алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

       22. Қамқоршылық кеңестің шешімі ашық дауыс беру арқылы оған қатысқан мүшелердің дауыстар басымдылығымен қабылданады. Дауыстар тепе-тең түскен жағдайда Қамқоршылық кеңестің төрағасы, ал ол болмаған жағдайда Қамқоршылық кеңес төрағасының міндеттерін атқаратын тұлға дауыс берген шешім қабылданады.

      23. Қамқоршылық кеңестің шешімі отырысқа қатысқан Қамқоршылық кеңестің барлық мүшесі қол қойылған хаттамамен ресімделеді.

      24. Хаттама Қамқоршылық кеңестің отырысы өткізілгеннен кейін үш жұмыс күнінен кешіктірмейтін мерзімде тиісті саланың уәкілетті органына немесе білім саласындағы жергілікті атқарушы органына жолданады.

       25. Тиісті саланың уәкілетті органы немесе білім саласындағы жергілікті атқарушы органы өзінің интернет-ресурсында Қамқоршылық кеңестің қабылдаған шешімдері туралы ақпаратты орналастырады.

       26. Білім беру ұйымына қайырымдылық көмек ерікті түрде өтеусіз негізде көрсетіледі және осы Қағидаларда көзделген тәртіппен Қамқоршылық кеңестің шешімі бойынша жұмсалады.

      27. Білім беру ұйымының қайырымдылық көмектен аударылатын кез келген түсімдері:

      1) мемлекеттік мекеме ұйымдық-құқықтық нысаны түрінде құрылған білім беру ұйымдары үшін - Қазақстан Республикасының бюджеттік заңнамасына сәйкес бюджетті атқару жөніндегі уәкілетті органның аумақтық бөлімшеде ашылған қайырымдылық көмектің қолма-қол ақшасын бақылау шотына;

       2) басқа ұйымдық-құқықтық нысаны түрінде құрылған білім беру ұйымдары үшін – екінші деңгейлі банкте ашылған шотына аударылады.

       28. Қайырымдылық көмектерден түсетін түсімдер:

      1) білім беру ұйымындағы білім алушыларға және тәрбиеленушілерге әлеуметтік қолдау көрсетуге;

      2) беру ұйымының материалдық-техникалық базасын жетілдіруге;

       3) спортты дамытуға, дарынды балаларды қолдауға;

     4) мемлекеттік жалпыға міндетті білім беру стандарттарының талаптарынан тыс білім беру процесін ұйымдастыруға шығыстарды жүзеге асыруға.

      29. Білім беру ұйымы жыл сайын қаржылық жылдың қорытындысы бойынша сол білім беру ұйымының интернет-ресурсында, тиісті саланың уәкілетті органының немесе білім беру саласындағы жергілікті атқарушы органының өзінің интернет-ресурсында тиісті есепті орналастыру арқылы қайырымдылық көмек қаражатының пайдаланылуы және қозғалысы туралы жұртшылыққа ақпарат береді.

 5 - тарау. Қамқоршылық кеңестің жұмысын тоқтату

     30. Қамқоршылық кеңестің жұмысын тоқтату:

      1) тиісті саланың уәкілетті органының немесе білім саласындағы жергілікті атқарушы органдардың бастамасы бойынша;

     2) білім беру ұйымын таратуға және қайта ұйымдастыруға байланысты жүзеге асырылады.

     31. Қамқоршылық кеңестің мүшесі:

     1) өз бастамасы бойынша;

      2) отырыстарда себепсіз қатарынан үш рет болмауы себепті Қамқоршылық кеңестің құрамынан шығарылады.

     Ескерту. 31-тармақ жаңа редакцияда - ҚР Білім және ғылым министрінің 02.04.2018 № 123(алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

© 2012. Қазақстан Республикасы Әділет министрлігінің «Қазақстан Республикасының Заңнама және құқықтық ақпарат институты» ШЖҚ РМК

 
Қамқоршылық кеңестің
ЕРЕЖЕСІ
1. «О. Жұмабеков атындағы ЖОББ мектебі базасындағы Тірек мектебі» КММ
қамқоршылық кеңесі (бұдан әрі – Қамқоршылық кеңес) «О. Жұмабеков атындағы ЖОББ мектебі базасындағы Тірек мектебі» КММ (бұдан әрі мектеп) мектепті дамытуға ықпал ету мақсатында құрылған алқалы басқару ұйымы болып табылады.
1. Қамқоршылық кеңес өз қызметінде Қазақстан Республикасы Конституциясын, «Білім туралы» заңын, басқа да Қазақстан Республикасының нормативті актілерін, сондай – ақ осы Ережені қолданады.
2. Қамқоршылық кеңес жөніндегі Ереже мектептің педкеңесінде бекітіледі.
3. Қамқоршылық кеңестің шешімі ұсыныс сипатында болады.
4. Қамқоршылық кеңес өз жұмысын алқалылық және тең құқықтық принциптерінде құрады.
Қамқоршылық кеңестің міндеттері
Мектептің қамқоршылық кеңесінің негізгі міндеттері:
- Қазақстан Республикасындағы мәдени, ағартушылық, білімдік, ғылыми, қоғамдық қызметтердің, мектептің даму бағдарламаларының орындалуына ықпал ету;
- Мектептің стратегиялық даму жоспарына талдау жасау, сондай-ақ оқу үдерісін жетілдіруге бағытталған бағдарламалар, жобаларды ұсыну;
- Мектептің дамуына, материалды-техникалық қорын жетілдіруге арналған басым бағдарламалар мен жобаларды үйлестіру мақсатында қосымша қаражат құралын тарту;
- Мектептің ғылыми-зерттеу және инновациялық қызметтеріне қатысты ұсыныстар талдау,осы заманғы және ақпараттық технологияларды енгізу;
- Мектепте конференциялар,семинарлар және басқа да іс-шараларды ұйымдастыруға және өткізуге көмек беру арқылы дамуға ықпал ету;
- Жас мамандардың кәсіби өсуіне көмек көрсету, олардың жаңашылдық ынталарын қолдау;
- Мектеп қызметкерлерін кәсіби даярлауда (қайта дайындауда) әдістемелік және ұйымдық көмек көрсету;
 
Қамқоршылық кеңесін басқару
Қамқоршылық кеңесін басқарудың жоғарғы ұйымы қажеттілікке байланысты, бірақ жылына бір рет кем емес, өткізілетін қамқоршылық кеңестің жалпы жиналысы болып табылады. Қамқоршылық кеңестің алғашқы отырысы мектеп директорының шақыруымен өткізіледі.
Жалпы жиналыс:
- Қамқоршылық кеңестің төрағасын сайлайды;
- Қамқоршылық кеңес қызметінің негізгі бағыттарын айқындайды;
- Қамқоршылық кеңес жұмысы  жайлы есебін бекітеді. 

Ата-аналар комитеті туралы ереже

«О. Жұмабеков атындағы ЖОББ мектебі базасындағы Тірек мектебі» КММ

1.Жалпы ережелер

1.1. Бұл ережелер «О. Жұмабеков атындағы ЖОББ мектебі базасындағы Тірек мектебі» КММата-аналар комитетінің қызметін реттейді.

1.2. Ата-аналар комитеті туралы ереже жалпы мектептік ата-аналар жиналысында қабылданды және құрылтайшылардың келісімімен директордың бұйрығымен бекітілді.

1.3. Ата-аналар комитетін Төраға басқарады. Ата-аналар жиналысын өткізуге Комитет мүшелері жауапты болады. Ата-аналар комитетінің Жұмыс мерзімі 1 жыл.

1.4. Ата-аналар комитетінің құрамына Комитеттің қызметін бақылауды жүзеге асыру мақсатында «О. Жұмабеков атындағы ЖОББ мектебі базасындағы Тірек мектебі» КММдиректорының орынбасары кіреді.

1.5. Ата-аналар комитетінің қызметі БҰҰ-ның Бала құқықтары туралы Конвенциясына, "білім туралы" ҚР Заңына, Білім беру ұйымдары қызметінің үлгілік қағидаларына, мектеп жарғысына және осы Ережеге сәйкес жүзеге асырылады.

1.6. Ата-аналар комитетінің шешімдері ұсынымдық сипатта болады. Бұйрықпен бекітілген мектептің ата-аналар комитетінің шешімдері орындалуы міндетті.

1.7. Ата-аналар комитетінің негізгі міндеттері:

- білім беру процесін жүзеге асыру, білім алушылардың өмірі мен денсаулығын қорғау, жеке тұлғаның еркін дамуы үшін жағдайларды жетілдіру;

- Оқушылардың заңды құқықтары мен мүдделерін қорғау;

Жалпы мектептік іс-шараларды ұйымдастыру және өткізу;

- ата-аналармен жұмысты ұйымдастыру, баланың жан-жақты дамуы үшін отбасы жағдайын жетілдіру және құқықтарын қорғау.

2. Ата-аналар комитетінің қызметі

2.1.Білім беру процесін ұйымдастыру үшін оңтайлы жағдайларды қамтамасыз етуге жәрдемдеседі (көрнекі әдістемелік құралдарды дайындау бөлігінде оқулықтармен қамтамасыз етуге көмек көрсетеді).

2.2. Үйлестіру сынып ата-аналар комитеттерінің қызметін бақылайды.

2.3. Ата-аналар арасында түсіндіру және кеңес беру жұмыстарын жүргізеді.

2.4.Мектеп пен ата-аналардың байланысын нығайтады, жалпы мектептік іс-шараларды өткізуге көмек көрсетеді.

2.5.Жалпы білім беретін мекемені жаңа оқу жылына дайындауға қатысады.

2.6.Жалпы білім беру мекемесінің әкімшілігімен бірлесіп медициналық қызметтің дұрыс тамақтануын және сапасын бақылайды.

2.7.Жалпы білім беретін мекеменің әкімшілігіне жалпы мектептік ата-аналар жиналысын ұйымдастыруға және өткізуге көмек көрсетеді.

2.8.Өз атына жазылған өтініштерді қарайды. Басшының тапсырмасы бойынша осы Ережемен оның құзыретіне жатқызылған мәселелерді қарайды.

2.9. Комитеттің құзыретіне қатысты мектеп мәселелерін қарастырады.

2.10. Білім беру процесін жүзеге асырудың қауіпсіз жағдайларын, санитарлық-гигиеналық ережелер мен нормаларды сақтауды ұйымдастыруға қатысады.

2.11.Мектеп дәстүрлерін, мектеп өмірінің тәртібін насихаттау мәселесі бойынша қоғамдық ұйымдармен өзара іс-қимыл жасайды.

2.12.Кәмелетке толмаған білім алушылар арасында құқық бұзушылықтың, қадағалаусыз және панасыз қалудың алдын алу мәселелері бойынша жалпы білім беру мекемесінің педагогикалық ұжымымен өзара іс-қимыл жасайды.

2.13.Өзін-өзі басқару органдарымен және жалпы білім беретін мекеменің басқа да органдарымен жалпы мектептік іс-шараларды өткізу мәселелері және Комитеттің құзыретіне жататын басқа да мәселелер бойынша өзара іс-қимыл жасайды.

2.14. Жалпы білім беру үшін бөлінген қаражатты бөлуге қатысады.

3. Ата-аналар комитетінің өкілеттіктері

Осы Ережеде белгіленген құзыретке сәйкес Комитеттің:

- жалпы білім беретін мекеменің әкімшілігіне, өзін-өзі басқару органдарына ұсыныстар енгізуге және оларды қарау нәтижелері туралы ақпарат алуға;;

- басқа мекемелер мен ұйымдарға түсініктеме алу үшін хабарласыңыз;

- жалпы білім беретін мекеменің әкімшілігінен, оның өзін-өзі басқару органдарынан ақпарат тыңдау және алу;

- сынып ата-аналар комитеттерінің шешімдері бойынша оқушылардың ата-аналарын өз отырыстарына шақыру;

-шығаруға, қоғамдық ұялту родителямза кемшіліктер ввоспитаниидетей отбасында;

- Комитеттегі белсенді жұмысы үшін ата-аналарды көтермелеу, жалпы мектептік іс-шараларды өткізуге көмек көрсету және т. б.;

- өз функцияларын орындау үшін Комитет мүшелерінің басшылығымен тұрақты немесе уақытша комиссиялар ұйымдастыру;

- жергілікті актілерді жасау және қабылдау;

- комитет төрағасы Комитеттің құзыретіне жататын мәселелер бойынша педагогикалық кеңестің, басқа өзін-өзі басқару органдарының отырыстарына қатыса алады.

4. Ата-аналар комитетінің міндеттері

Комитет жауап береді:

- жұмыс жоспарын орындау;

- Комитеттің шешімдерін, ұсынымдарын орындау;

- жалпы білім беру мекемесінің басшылығы мен оқушылардың ата-аналары арасында отбасылық және қоғамдық тәрбие мәселелері бойынша өзара түсіністік орнату;

- қолданыстағы заңнамаға сәйкес сапалы шешім қабылдау;

- Комитеттің немесе бүкіл Комитеттің жекелеген мүшелерінің әрекетсіздігі;

- комитеттің жұмысына қатыспайтын мүшелерін комитет төрағасының ұсынуы бойынша сайлаушылар кері қайтарып алуы мүмкін.

5. Жұмыс тәртібі

5.1.Ата-аналар комитетінің құрамына әр сыныптан бір-бір өкіл кіреді. Ата-аналар комитетінің құрамына бірінші ата-аналар жиналысында сайланған сынып өкілдері кіреді.

5.2. Сандық құрам Комитеттің шешімі бойынша айқындалады.

5.3. Төраға Комитет мүшелері арасынан таңдалады (мүшелер санына байланысты төрағаның орынбасарлары, хатшылар таңдалады).

5.4.Комитет директормен келісілген және ата-аналар жиналысы бекіткен жұмыс жоспары негізінде жұмыс істейді.

5.5.Комитет жалпы мектептік ата-аналар жиналысында жылына 2 рет атқарылған жұмыстар туралы есеп береді.

5.6.Комитет, егер оның отырысына ата-аналар комитеті мүшелері құрамының жартысы қатысса, шешім қабылдай алады.Ата-аналар комитетінің шешімдері жай көпшілік дауыспен қабылданады.

6.Құжаттама

6.1.Комитет білім беру ұйымдарында іс жүргізу жөніндегі нұсқаулыққа сәйкес жалпы мектептік жиналыстарды және өзінің отырыстарын хаттамалайды.

6.2. Хаттамалар мекеменің іс қағаздарында сақталады.

6.3. Құжаттаманы жүргізу жауапкершілігі төрағаға немесе хатшыға жүктеледі.

Қамқоршылық кеңес:

Төрагасы: Майшин Талғат – дәрігер

Мүшелері:

1. Қаракесекова Айгуль – кәсіпкер;

2. Сайлаубеков Жалғасбек – ішкі саясат бөлімінің бастығы;

3. Кутумова Дария – АІІБ инспекторы;

4. Ахметова Ақмарал – көп балалы ата-ана;

5. Рыскелдина Айзада – көп балалы ата-ана;

6. Жөкенов Қылыш – ата-ана;

7. Сүлейменов Аян – көп балалы ата-ана.