Жаңаарқа ауданы бойынша 1-ші тамыз бен 30 қыркүйек айының аралығында республикалық «Мектепке жол» акциясы өтуде. Акцияның мақсаты-біліммен қамтылмаған мектеп жасындағы балларды анықтап, аз қамтылған және көп балалы отбасынан шыққан, сондай-ақ жетім және ата-анасының қамқорлығынсыз қалған мектеп оқушыларына уақытында материалдық қолдау көрсетіп, әлеуметтік себептер бойынша олардың мектепке келмеуінің алдын алу болып табылады. Іс-шара жоспары құрылып, мектептерге, көшелерге насихат банерлері ілініп, « Жаңаарқа газетіне» мақаласы шықты Акция барысында білім мекемелері жергілікті ауыл әкімшілігі, ІІБ-і халықты еңбекпен қамту, әлеуметтік қорғау мекемелері және ата-аналар комитеті педагогикалық ұжыммен бірлесе отырып, мектеп жасындағы балалардың дер кезінде сабаққа баруын қамтамасыз ету мақсатында 720 үйлер, аулалар, 275 рейдтер өткізіп, осы шараға 235 ұстаз, 12 ІІБ мамандары және 28 ата-ана қатыстырылды. Шара «Менің таңдауым-балаларға көмек» ұранымен өтуде. Бүгінгі күні меценаттың 2 млн 288 мың теңгесіне 286 балаға оқу құралы, киім-кешегі, аяқ киімі алынып берілді. Аудандық білім бөлімінде « Сенім телефоны» жұмыс істеп, азаматтармен жұмыс жүргізілуде.Игі шара әрі қарай өз жалғасын табуда