Жаңалықтар тақырыбында ашық сабақ
2021-2022 оқу жылындағы өткізілетін іс-шаралар жоспары негізінде 04.11 күні Телестудия үйірмесінің оқытушысы Ж.К Куанышованың ұйымдастыруымен "1В" топ оқушыларының қатысуымен "Жаңалықтар" тақырыбында ашық сабақ өтті. Ашық сабақ 3 бөлімнен құрылған.
І бөлім: ҚР Президенті Қ.К.Тоқаевтың 2020 жылғы 1 қыркүйектегі жолдамасындағы "Үздіксіз білім беру" туралы тапсырмасының Жаңаарқа ауданында қаншалықты іске асып жатқандығы жайында Қаратай Нұрай "Тігін орталығы" мұғалімінен сұхбат алып, Тұрымтай Мерей "Өнер мектебі" жаттықтырушысы мен жас қатысушысы Абдулаева Айшадан сұхбат алып, Тоқпан Мөлдір 2021 жылы ашылған "Оқушылар үйі " жайында құнды ақпараттар жинап үйірмеге қатысып жүрген Ерлан Дарын, Тәжібаева Аяулым сынды оқушылардан кәсіби деңгейде сұхбат алып толық қанды 20-минуттық жаңалықтар топтамасын өткізіп шықты. Жаңалықтар соңында Жанұзақова Іңкәр бір апталық ауа райы болжамымен бөлісті.
ІІ бөлімде Тележүргізушілердің жіберген қателіктері жайында көңілді видео-ролик көрсетіліп күлкі-терапиясы Ж.К Куанышованың шеберлігімен іске асты.
ІІІ бөлімде үйірмеге қатысып жүрген оқушылар "дирижер" ойыны негізінде жаңылтпаштар айтып сабақтың көркін енгізді. Үйірмеге қатысқандарына аз уақыт өтсе де өздерін кәсіби тележүргізушілер секілді ұстаған оқушылар "Оқушылар үйінің " әкімшілігін тәнті етіп ризашылығана бөленді.
