Халық қалаулылары
Жергілікті мемлекеттік басқару және өзін-өзі басқару туралы заңында халық сайлаған депутаттар жылына бір рет халық алдында есеп береді делінген. Осы заңға сәйкес, барлық санитарлық-эпидемиологилық талаптарды сақтай отырып, облыстық мәслихат депутаты Рыспеков Жәнібек Сайлаубекұлы, аудандық мәслихат депутаттары Молдабаев Оралбай Насенұлы, Бекежанова Бағдат Шакарбайқызы белгіленген кесте бойынша 2021 жылдың 26 қазанында әлеуметтік қорғау, денсаулық сақтау, білім, мәдениет және спортты дамыту мәселелері жөнінде мекемелерді аралап қайтты. Ауданымыздың әр ауылына барып, жергілікті тұрғындармен кездескен олар, әлеуметтік жобалардың қалай іске асып жатқанына баса мән бермек. Сонымен қатар ауданымызда білім ұясының дәл жанынан биыл «Оқушылар үйі» ашылған болатын. Кәзіргі таңда оқушылар үйінде 324 бала аптаның бес күнінде сабақтан тыс қосымша үйірмелерге қатысуға мүмкіндік алған. Оқушылар үйінде оқушыларға жақсы жағдай жасалған. Бәрі заманауи. Келесі жылғы жоспарлары: қосымша үйірмелер ашу.
Кездесу барысында айтылған сауалдарды тыңдаған халық қалаулылары көтерілген барлық мәселені тиісті орындарға жеткізетіндіктерін айтты.
