Жаңаарқа ауданы білім бөліміне қарасты  Е.Шаханов атындағы тірек мектебінің қазақ тілі мен әдебиеті мұғалімі Нұргүл Шамаеваның ұйымдастыруымен өзі жетекшілік ететін 6 "А" сынып оқушыларымен  "Жаңаарқа мен Сәкен – егіз ұғым" атты әдеби-сазды кеш өтті.

Әдеби кештің мақсаты – өз заманының төл перзенті, өз халқының бақыты мен болашағы жолында жалынды күрескер, Алаштың айбыны, адалдықтың айдыны болған арысымыз Сәкен Сейфуллиннің өмірінен шығармашылыққа шыңдау, оқушылардың қазақ әдебиетіне деген қызығушылығын арттыру. Азаттықты аңсаған Алаш арыстарының аманатына адал болу, ұлтқа қызмет ету.