Мектебімізде бастауыш сынып мұғалімі Төлеутаева Аягөз Серікбайқызының ұйымдастыруымен 2 «Б» сыныбында «Отан  неден  басталады?» тақырыбында ашық сынып сағаты өтті. Елбасымыздың "Болашаққа бағдар: рухани жаңғыру" ұлттық идеясын болашақ ұрпақтың санасына сіңіру мақсатында өткізілген бұл сынып сағаты оқушылардың бойындағы патриоттық рухты дамытып, туған елге, жерге деген сүйіспеншіліктерін арттырды. Аталмыш іс-шараға тәрбие ісінің меңгерушілері Баян Әліпбекқызы, Мақпал Сәкібайқызы және бастауыш сыныптың оқу ісі жөніндегі орынбасары Жаппарова Зәуреш Айбатқызы қатысты. Оқушылар Отан, туған  жер  туралы  өлеңдер  оқып, ән салып, би  билеп, көрініс көрсетіп, сынып сағатының сәнін кіргізді. Соңында көрермендер риза болып тарасты. Ұстаз алдына қойған мақсатқа толықтай қол жеткізді.