Қамқоршылық - білім беру жүйесін, ізгілік қызметтерін (білім беру, ғылым, мәдениет пен өнер, спорт және денсаулық сақтау) қолдаумен байланысқан әлеуметтік белсенділік саласы. Қамқоршылар - қамқоршылық жұмысын атқаратын қоғамдық және заңды тұлға.

 Мектебіміздің қамқоршылық кеңесі ҚР "Білім туралы" Заңының 44 бабының 9 тарауына сәйкес мектеп алқалық басқарудың түрі болып табылады. Мақсаты - білім беру мекемесінің дамуына қолдау жасау, қала аумағында жұмыс істейтін басқа ұйымдармен оның байланысын нығайту, заттай және қаржылай ақшаларды белсенді пайдалану.

 Күн тәртібінде бірінші мәселе бойынша 2017-2018 оқу жылындағы қамқоршылық кеңесінің жоспары бекітіліп, екінші мәселе бойынша мектеп директоры Махаббат Ермұханбетқызы жаңартылған білім мазмұны бойынша тоқталып, мектептің ахуалы жайында сөз алды. Соңында қамқоршылық кеңесінің мүшесі Жайлыбаева Қаламқас кеңестің өткен жылы атқарған жұмысы бойынша есебін берді.