«№132 ЖОББМ базасындағы Тірек мектебі (ресурстық орталық)» КММ-ның бастауыш сынып және қазақ тілі мен әдебиеті пәнінің мұғалімдері «ХХІ ғасыр – сауатты ұрпақ ғасыры!» облыстық жобаның 2-күні «Функционалды сауатты – тұлға қалыптастырудың жаңа жолы» тақырыбында іс-шаралар ұйымдастырып өткізді. Мақсаты – оқушылардың функционалдық сауаттылықтарын қалыптастыру негізінде гуманитарлық пәндердің мүмкіндіктерін анықтай отырып, оқушылардың танымдық қызығушылығын, жеке, шығармашылық қабілеттерін дамыту. Құрылған жоспарға сай 3,5-сынып оқушылары kahoot тест тапсырса, 4,6,7-сынып оқушылары тіл дамытуға арналған шығармашылық бағыттағы бестік диктантын жазды. Сол сияқты 8,9-сынып оқушыларынан оқу сауаттылық деңгейлерін анықтау мақсатында тест сұрақтарына жауап алынса, 10,11-сынып оқушылары эссе жазды. Жоғарыда аталған іс-шаралар барысында оқушылар білімдерін жан-жақты көрсетіп, ойларын еркін жеткізіп, шығармашылық қабілеттерін танытты. Әр пән мұғалімі өзіне жүктелген міндетті жоғары деңгейде атқарып шықты.