Роботтарды жасаумен айналысу – ол техникалық ептілікті, бағдарламалау дағдыларын, және де жай ғана әуестікті дамыту болып табылады, сондықтан жастар арасында робот техникасына деген қызығушылық күн сайын артып келеді.Бұл жарыс робот техникасын насихаттау, оқушылардың техникалық шығармашылығын дамыту, дарынды балаларды анықтау және қолдау мақсатына арналды. Жастар мен балалардың жаңа технологияға қызығушылығын арттыру мақсатында «Edurobot.ZH» II аудандық робот техникасының фестивалі өтті.
Осы жарысқа мектебімізден оқушылар қатысып, өз бақтарын сынады. Жарыс түрлі бағыттарда болды. Оқушылар үшін бұл жарыс үлкен қызығушылық тудырды. Еңбектеніп, жарыста өздерін көрсете білді. ІІІ орынды 8 «Б» сынып оқушысы Ибрагим Индира иеленді. ІІ орынды Қозыбаев Рахман, Мүбәрак Сенім, Тлеубай Аяжан, Төлеубай Мақпал марапатталды. Ал І орынды Кәріпбеков Диас, Мәнтенов Асхат иеленді. Сонымен қатар осы оқушыларға жетекшілік еткен Байшөкенова С.А, Жаркенова Ғ.И, Оразбаев Қ Т, Тлеуханова Э.С оқушыларды дайындап, жеңіс тұғырынан көрінуге бар күштерін салып, инновация, технологияға деген қызығушылықтарын арттырғаны үшін алғыс хаттармен марапатталды. Бұл біздің оқушыларымыздың робот техникасынынан алғашқы белестерінің бірі болды, алдағы уақытта да үлкен жетістіктерден үміттіміз.