Ұстаз деген ұғым бар, мына дүниеде. Ілмейтінді ілдіретін, білмейтінді білдіретін. Санаға ақыл ұялататын, арманды алдан қиялататын. Өмірді ұғынуыңа себеп болатын, тірлікке кіруіңе көмек болатын. Әр кезде аялайтын, дәрісті аямайтын. Бықсытпайтын, жандыратын. Тұлғалық табиғатын мәңгілік қалдыратын. 

         Айнабұлақ негізгі орта мектебінде Ұстаздардың төл мерекесіне орай 5 - қазан күні шәкірттеріне сәуле шашып, біліммен сусындататын ұстазды сыйлауға, құрметтеуге тәрбиелеу мақсатында  мерекелік іс – шаралар  концерт өтті. Қазақ тілі мен әдебиет пәнінін мұғалімі Серікбаева Төлеугүл Болатқызының  ұйымдастыруымен оқушылар ұстаздарды мектеп кіреберісінен тосып алып, мерекемен құттықтап әр мұғалімге арнаулар оқып, гүл шоқтарын сыйлады.

       Ұстаздар мерекесіне арналған мерекелік іс – шара бастауыш сынып мұғалімі Сагимбекова Гульзира Жайлаубайқызының ұйымдастыруымен өткен концерттік бағдарламамен жалғасын тапты. Шәкірттер санасына сәуле шашып, шырақ отын маздатқан ұстаздар қауымына мектебіміздің директоры Ускембаева Айман Қаһарманқызы ақ лебіз, жылы тілегін білдірді.

           Мерекелік концертте оқушылар мұғалімдерге арналған өлең – жырларын оқып, би билеп, ән салып, өз өнерлерін аянбай ортаға салды.