Ынтымақ жалпы білім беретін мектебінде 15-қаңтар күні «Еңбегі адал жас өрен» жобасы аясында ,“Қазіргі студент-ертеңгі маман иесі” атты мектебіміздің түлектерімен  кездесу кеші өткізілді. Кездесу кеші 9-11 сынып оқушыларының қатысуымен кофе-брейк форматында өтті.

Мақсаты: Мамандық таңдау кезеңінде тұрған оқушыларға бағыт-бағдар беріп,таңдау мүмкіндіктерін шешу. Оларды өз пікірін еркін айтуға, басқаның пікірін сыйлай білуге, жүйелі ойлауға баулу. Оқушылардың қоғамға деген азаматтық позициясын қалыптастырып, отансүйгіштікке тәрбиелеу

Кездесу кеші мектеп директоры А.Тезекбаеваның құттықтау сөзімен басталып, қызықты ой толғау, маман болам мен ертең, сергіту сәті т.б. бөлімдермен жалғасын тапты. Кездесу барысында студенттер оқушылармен өздерінің оқып жатқан мамандықтары жайлы, ҰБТ-ға қалай дайындалу, грантқа түсу үшін не істеу керектігі туралы өздерінің тәжірибелерімен бөлісті.