Ағымдағы жылдың мамыр айының 4 –і және 5 –і күндері Алматы қаласында Республикалық телевизиялық «Ұлы дала дарыны» атты байқауы өтті. Осы байқауға біздің ауданымыздың атынан Б.Амалбеков атындағы ЖОББ мектебінің ән сабағының ұстазы Дәурен Әлжановтың жетекшілігімен бір топ өнерпаз балалар барып, өз өнерлерін көрсеткен болатын. Байқауға барған әр бала өз номинациялары бойынша өнер көрсетіп, жүлделі орындармен оралды. Б.Амалбеков атындағы ЖОББ мектебінің оқушылары Қанағат Сағынтай этрадалық вокал номинациясы бойынша бас жүлде, Адиля Ақылбек 1орын, Аружан Даулетбай 2 орын, Аниса Искакова 3 орын, Жарылқасын Айым 3 орын, би номинациясы бойынша Ақнұр Жетпісбай 1 орын, аспапта ойнау номинациясы бойынша Мағжан Файзрахман 2 орынға ие болды.