«Казгидромет» РММ-нің осы жылдың 21-22 қаңтар аралығында -35 градусқа дейінгі аяз күтілетіндігі мен қолайсыз метеожағдайлар туралы ескертуіне байланысты Сізге мекеменің тұрақты жұмыс істеуін, оның отынмен тоқтаусыз қамтамасыз етілуін, апат орын алған жағдайда шұғыл жөндеу жұмыстарын жүргізу бойынша шараларды алдын ала қабылдауыңыз керек. «Казгидромет» РММ-нің ескертуін назарға алып ЖАЖ мен қазандықтар үшін отын қорының үнемі барына, мекемелердегі автономды электрмен  жабдықтау көздерінің болуына  бақылауды ұйымдастыруыңыз керек.

Білім беру ұйымдарының басшылары білім басқармасының диспетчерлік қызметіне мектептегі сабақты тоқтату туралы шешімдерін уақыты хабарлап, тұрғындарды Қазақстан Республикасы Білім және ғылым министрлігінің 2016 жылғы 18 қаңтардағы №42 «Қолайсыз ауа райы метеожағдайларында орта білім беру ұйымдарында, сондай-ақ техникалық және кәсіптік білімнің білім беру бағдарламаларын іске асыратын білім беру ұйымдарында сабақтарды тоқтату қағидаларын бекіту туралы» бұйрығына сай  хабардар етуі керек.