Жаңаарқа аудандық білім бөліміне қарасты білім беру ұйымдарында Білім күніне арналған салтанатты жиын «Мен- елімнің патриотымын» тақырыбында өтті. Жиынға ауданымыздағы жергілікті атқарушы органдардың қызметкерлері мен білім бөлімінің мамандары, ардагер ұстаздар, ата-аналар  қатысты.

      Аудан әкімінің міндетін атқарушы Қожықаев Қ.Ш, АББ басшысы Аштаев Т.Б. Қызылжар жалпы білім беретін орта мектебіннің салтанатты жиынына  арнайы барып қатысып,  Білім күнімен құттықтады. Сонымен бірге Қызылжар кентінде 25 орындық «Құлыншақ» бөбекжайының ашылу рәсімі өткізілді.

      Салтанатты жиыннан соң, Білім сабақтарына  табысты адамдар шақырылып,  кездесулер өткізілді.  

     Барлық білім беру мекемелерінде Президент Н.Назарбаевтың «Болашаққа көзқарас: Қоғамдық сананы жаңғырту» мақаласын іске асыру бағытында жұмыстар жүргізілді. Бірінші сабақ шеңберінде «Болашаққа бағдар» видеофильмін көрсету ұйымдастырылды.

   Жаңаарқа аудандық білім бөлімі аудан мектептері педагогтері мен оқушыларын жаңа оқу жылымен құттықтай отырып, жаңа белестерді бағындыруды тілейді.